سألت الله ذي ينجي من النار

سألت الله ذي ينجِي من النار/
يخارج شعبنا من كل عوجاء..

تعبنا يا رجال الشعب غوَّار/
نراود حلّها والحل ما جاء..

وكم بالشعب من عاهات واكسار/
وكم بالشعب من عوراء وعرجاء..

وكلما تنطفي زادوا لها اِسعار/
وزاد الظلم بين الناس يزجى..

وصارت تشتعل من دار لا دار/
وكل واحد على جاره تحجى..

ولاهي حرب مسلم ضد كفار/
ولاهي ذي تعِج الأرض عجا..

وذي لصوا لها بالغرب زوّار/
بجوالات في ميتين جيجا..

ورقاصه وعزافه بالاوتار/
وكمن غانيه جنبه وغنجاء..

وتصريحات ثم اعلام واخبار/
وكله دقدقة جاهل بموجاء..

زحفنا فوق راس الشعب كبّار/
لاميت ولاللعيش ينجَى..

ولا عد غار مِن صاحب ولاجار/
ولامَن غاث في جفنه ومفجى..

تركنا العِلم صدّرنا لنا اشعار/
زرعنا ارضنا كافي ومنجا..

وساد الخوف بالواقف وبالمار/
وحتى الطفل ذي عاده يهجّى..

وصار الشيخ في جحره كما الفار/
وكنا أمس في داره نحجّى..