قصيدة شعبية يمنية الوقوف على أطلال الحبيب

مدامع الحرف نوحي بالطلل والرسوم=
وابكي ولاتبخلي فيها بسيل الدموع..

منازل احباب صارت بعدهم في وجوم=
الصمت جاثم عليها والسراب الخدوع..

ياما رعتها عيون الخل تحت النجوم=
ياما أنارت لياليها ذبيل الشموع..

ياما فرَشها بكفه ريش ناعم وروم=
وامست جفونه على واحة سريره هجوع..

ياما صبايا جميله كالنوارس تحوم=
والليل سادل حجابه بالحمى والربوع..

ليال فيها الأوانس جددين الوشوم=
واعيانها ناظره لاحبابها في خشوع..

طبع الزمن هكذا ماحد عليها يدوم=
مادام يوسف ولا دام النبي اليسوع..

أخلصت بالحب انا والحب ظالم غشوم=
وانا ضعيف القوى والخل واحد دلُوع..

وانا هويته وعمدت الهوى بالختوم=
والقلب كله محله والمشاعر فروع..

واغليت حبه وضميته بصدري ضموم=
مثل الغلام الذي ينهل حليب الضروع..

سقيته احلى عسل وانا سقاني سموم=
واسكنته القلب واسكني بواد ي و  ..

واطعمته المن والسلوى وظليت اصوم=
واضحك بوجهه من اعماقي وقلبي وجوع..

واليوم من عشقته غارق ببحر الهموم=
سهران ليلي ودمعي في خدودي هموع..

هجرني القلب واصبح في غرامه يعوم=
من بعد ماكان قلبي بين عوج الضلوع..

غربان حول القفص تصدح وتنعق وبوم=
تقول في نفسها ياقلب هل من رجوع..

ياما غنمنا هوانا بين خضر الكروم=
والزهر حولي وحوله من عبيره يضوع..

بُح في غرامك وخل اللي يلومك يلوم=
غرام عذري فلاتخشى عليه الذيوع..

زرعت في غيل حبري ورد فوق الكموم=
مِن زرع الالفاظ ياحيا بها من زروع..

وانا الذي ماعشق قلبي جمال الجسوم=
ولابطبعـي للاِستغلال ذرة نزوع..

وانا من احفاد تبع من قبايل شهوم=
واخبارنا بالعرب ذاعت وشاعت شيوع..

والقبيَله مانسيت اشفارها. والرقوم=
حيا بنخواتها ذي للمشاعر تزوع..

مازالت اخبارها. عندي وكل العلوم=
هي أم وانا ولدها لادعت للخضوع..

غيري. تركها وضيعها بسوق السهوم=
وانا مشبِّث.وماسك نهجها والشروع..

الضيف نطرب ونفرح فيه وقت القدوم=
حاشاه يظمى بداري. ضيف واِلا يجوع..

من نعمة الله نفرش له موايد لحوم=
واَرويه. واَطعم بفضل الله من كل نوع..

واَفكهه.غصن من عوده واَجمه جموم=
واَسقيه من نبع بارد غيل عذب الشروع..

واَسامره بالعشي لما. عيونه تنوم=
مايرحل اِلا وقلبه من كرمنا قنوع..

وانا الذي من عدوي مابخاف الهجوم=
وعاد لي قوم للهيجاء تحيك الدروع..

وعاد باكتافي الرتبه وحولي طقوم=
وطايراتي تحلق ماتخاف الوقوع..

حروف مثل الصواعق يلهبين. الغيوم=
والفاظ مثل الرواعد ذي تضج السموع ..

وابيات.تشبه صواريخ النِّجَف ذي تقوم=
تنفث حمم من جوانبها وتصعد. طلوع..

وختمها عدما عازم نوى للعزوم=
واعداد مايسجد الساجد ويركع ركوع..

صلاه تشفي كروب المشتكي والغموم=
على محمد شفيع الخلق يوم الجموع..