قصيدة شعبية|الشاعر والهاجس والطموح

دَن القلم والورق مني وسقه رياشي=
أسهر مع البدر يوم البدر زاهي وسامر..

واَقعد مع الشعر نعقد مؤتمرنا النقاشي=
بين الورق ،نام، وانا خلني والدفاتر..

قاتي ومدكى ورابط فوق راسي شواشي=
أناقش الحرف والهاجس إلى صبح باكر..

والله لااخرِّج الساع العشاء من كراشي=
لامانفعي بناقص حرف بالناس. افاخر..

وانا الأديب الذي عادن حروفي عطاشي=
والشاعر اللي رفض شعره هديل الحناجر..

حروف قدسعرها مدبول ماجت بلاشي=
ماقد جمعني بها ندوه ولابث مباشر..

ياكم درست اللغه قاعد وواقف وماشي=
كالطالب اللي لكرسه واختباره يذاكر..

ياكم نزفت المدامع في وسايد فراشي=
وهزني شوق وقعه مثل وقع المعابر..

واليوم والحمد لله صارعندي مواشي=
والوادي اليوم من إبلي والاغنام زاخر..

واصبحت بالحرف بارع بعدما كنت ناشي=
قدَّرني الله ذي فوق السماوات قادر..

واصبح قصيدي على لسن الجماهير فاشي=
واصبحت اسوِّق لحرفي بالمواقع واتاجر..

عملات من بنكها شيكات تصرف وكاشي=
شذاب باغصانها فوق الدسامل مشاقر..

صارت صواريخ صخَّابه وكانت طماشي=
كانت أمامي حصى واليوم صارت جواهر..

يغشاني الشعرحياالشعر مِن وحي غاشي=
بهاجس امسي منقِّب في محيطه وباحر..

أستخرِج اللول ذي يصبح للاعناق واشي=
لبَّات في صدر من يرغب وكفه اساور..

واحيان قلبي يرف بالصدر مثل الفراشي=
واحيان ازرجن.شبيه الصخره الله ساتر..

واحيان بالجو مثل الطير فارد رياشي=
واحيان بالقاع مثل الليث لانياب كاشر..