قصيدة شعبية|لازم تشجعينه ع الشعر فأنتي

شجعِيني على اشعاري وقولي لي ابدعت
شجعيني على اشعاري ولاتحرجيني..

ليش وانا الذي في حبكم شِبت واينعت
ليش وانا وضعتك بين رمشي وعيني..

كم اعاني ونا في حبكم ما تراجعت
كم صبايا على ابراج الغوى يفتنيني..

راوديني ونا مثل الجبل ما تزعزعت
والقمر، ماحجارات العدو يوصليني..

لانني ياقمر.. عاهدتك انته وبايعت
ما أخون الهوى ذي كان.. بينك وبيني..

والله اني امام الناس يازين.. دمعت
يوم قالوا:حبيبي تاج راسي، نسيني..

والله اني لهذا الشي ابد ما توقعت
قهر يمضي عليش ايام ما تذكريني..

انت يااللي جمالك عجَّز الوصف والنعت
والعيون الوساع السود كم عذبيني..

ليش يارب من وجه القمر نفسه اطلعت
بدر ثاني وسكنت.. الهلال الجبيني..