قصيدة موبايل او عسى تتأثر فيها ياالقاسي

كلما تفرغت.. اتصل لك واحاكيك
جاوبني الخط بانقطاع الحراره..

وان جيت انادم..قَلي القلب..يكفيك
لايسمعونك مِن خطوط الوزاره..

عَبر النسيم اهديك بوسه تحط فيك
حَط العصافر في غصون الثماره..

بااسقيك حُبي ياحبيبي واغذيك
واعصر من اشفاتك شراب.. التِماره..

واعزف لك اوتار المحبه واغنيك
بعد المغيبه لاالنجوم استناره..

واقطف ورودك مِن مشاتِل مجانيك
واصب لك غيث الهوى في غزاره..

انت الشموس اللي تزور الشبابيك
وانت القمر وانت الحلى والنضَاره..

والله العظيم لو هددوا بالبوازيك
إن لك بقلبي والجوانح سفاره..

لو يضربوا بالمؤتمر والتماتيك
والخوف يتوزع على كل حاره..

ماانساك ياحُبي.. ولاانسى حكاويك..
في سِلم واِلا في معارك وغارَه..

حُبك ذهب والماس ماهو بلاستيك
تحَف ثمينه مابالاسواق باره..

بيني وبينك خَط من دون تسليك
بيني وبينك للتواصل أماره..

ولك محبه جِد من دون تشكيك
ماهي محبه زايفه مستعاره..

بااوفي معك وارضيك وافديك واغليك
واصبر معك بالسيل صبر الحجاره..

الله لي يانور عيني يخليك
ودمت.. مادامت غيوث المِطاره..