قصيدة شعبية غزلية جديدة قمة الروعة|

والله العظيم لو سجلوني بالا.ر.ه.ا.ب|
او يحبسوني باليمن مثل م.ر.س.ي..

لاادق بيتك واخطفك من قفا الباب|
واعبر انا وانت الجزيره بتكسي..

واخفيك عنهم مثل خاتم بدولاب|
واحذر عليك الخدش مثل الجلكسي..

سلمتني للحب والحب غلاب|
واحرمتني من نوم عيني ونعسي..

والله العظيم مالذ عيشي ولاطاب|
إلا بقربك ياحياتي ونخسي..

ماعيشي الا من فراقك تغصاب|
فاقد شعوري وارتياحي وحسي..

كيف اتركك ياعز من كل الاحباب|
واغلا عليا من عيوني ونفسي..

وانته محلك بالمقل بين الاهداب|
ولك بقلبي عرش عالي وكرسي..

يااللي جمالك والحلى نال الاعجاب|
ياخمر شرقي في قوارير ببسي..

يااللي شفاتك قند حالي وعناب|
وتوت باغصانه ورمان دلسي..

يادوعني يجنوه من زهر الاعشاب|
ياكاس من منقه على كيك روكسي..

انت الشعير اللي مخمر بالاكواب|
وانت الشراب اللي للالباب ينسي..

وانت العنب ذي بالعناقيد ينساب|
وانت البلح ذي في نخيله مرسِّي..

هذا جمالك مثل بستان خلاب|
ياطير في ريشه منقش ومكسي..

وجهك ثرياء خلت الجو جذاب|
لمبات بيضاء شابكوها بسلسي..

بسمر على ضو الوجن لاالقمر غاب|
واسهر انا وانته على قات عنسي..

واسمر معك في صوت هيفاوزرياب|
والحب يؤخذنا بتيار عكسي..

انته شرابك قطر الاجباح لاذاب|
وانا شرابي مر حظي ونحسي..

وانته ثيابك روب ناعم وجلباب|
وانا ثيابي نار حمراء ولبسي..