قصيدة شعبية من اقوى قصائد الفخر والقبيله

الحرف زادي والبلاغه شرابي=
والشعر خيلي ذي بالاصقاع تصهل..

أعبر بها الوادي وادوس الهضابي=
واَعبر. بها الصحراء وللرمل ازلزل..

واَغرف بدلوي من محيط انسيابي=
واَسكب من ادواحي ولااشكي من الجل..

وانا عميد الحرف تم انتخابي=
والكاتب اللي للعباره يذيل..

ألبِّس الفاظي جميل الثيابي=
واَلبِّس الكلمه عبايـه واشكل..

وانا شقيق القافيه والمحابي=
واسع خيالي يوم اشبه وامثِّل..

إبن اللغه مالانت امي ولابي=
ولاصديقي ،لينها لي، ولا خل..

إلى اللغه ساسي وكل انتسابي=
أخذت دكتوراه فيها وتوفل..

وانا المعنى بين خضر الروابي=
والطير حولي بالمناقير تزجل..

أعزف على قيثارتي والربابي=
من لحن راقي للجماهير يذهل..

والشمس تشرق والندى والضبابي=
حاشا حروفي فوق الاغصان تذبل..

ولي قوافي في الغزل والعتابي=
أعاتب المحبوب فيها وافصِّل..

واهديه باقات الشذا من جنابي=
وانقَع حروفي قبل وصفه واغيل..

وابكي بقايا بيت مهجور صابي=
دور الحبايب ذي بها الدمع يهطل..

وانا الذي للشعر نبيت نابي=
إما ذهب والماز واِلا نبطل..

أصغيت له في عمر شهرين حابي=
يوم كانت امي ترتضعني وتهجل..

وانا ابن مسعد لاطرق ضيف بابي=
ظليت ارحب في قدومه واسهل..

ننحر له اعناق الإبل بالجنابي=
ونحتفل به بالقوافي ونزمل..

إذا ارعدت في أرض بقعاء سحابي=
أمست عليها من بحاري تسيِّل..

والليل لاشنت. معابر ضبابي=
أمسى ظلامه بالعيارات. يشعل..

والله ماايئس وانطرح للصعابي=
وعاد لي بالحيد كمن مهشِّل..

وانا حروفي جاهزه بالتبابي=
اذا قرع للحرب طبل المطبل..

السيف جاهز والسُّهم في قرابي=
شاعر وحولي شلتي والعُويِّل..

ومن بدع لي قول يسمع جوابي=
من لسن. صايب للهدف مايميل..

هاجس شبيه الليث رابض بغابي=
في مخلبه يجرح وبالناب يقتل..

هو ليث له بين الليوث انتسابي=
وانا ولد ضرغام مايعرف الذل..

أفنيت من أجله ليالي شبابي=
واسهرت عقلي في علومه تخيُّل..

ياويل ويله من دخل في شعابي=
والفهد حولي والنمر طير تحجل..

ياويل ويله من تعمد سبابي=
بَقطع لسانه من مكانه والارجل..

وارسل ذبابه واحده من ذبابي=
تصيب حلقه والمناخير بالسل..

ينعق عليها في صباحه غرابي=
وتظل. تطويها العناكب وتغزل..

بااسقي عدوي من عصارة عقابي=
جرعه،وحرفي يوم يغضب يبهذِل..

والجيد باافرش له حروفي زرابي=
واسقيه قهوه من قدحها وجلجل..

ثدي اللغه ذي طاب منه احتلابي=
وامسى على اقداحي شرابه يسلسل..

لابد ما يطفي حممها لعابي=
وتوصل اقوالي إلى كل منزل..

حيا اللغه والفاظ خلف الحجابي=
وألف حيا موصلي خير موصل..

ماغيرها ذي للمشاعر سوابي=
ولا سواها ذي لعظمي تفصل..

ولدان مزيونه عليها نقابي=
تمسي تكاتبني مُقلها وترسل..

أخرجتها من خدرها والمخابي=
وانا لها الحامي من الرق والذل..

مااخرجتها. عنوه ولاباغتصابي=
أخرجتها بالفاتحه والمزمل..

والله ذي يهدي لحسن الصوابي=
والله ذي بالعلم. خلقه. يجمل..

الله يسدد بالمرامي حرابي=
والله يجعلني عن الحق ما ازل..

باابذل لربي دمعتي وانتحابي=
يارُب دمـعـه للمصايب تعطل..

واعالج اوضاعي وازيل اضطرابي=
بالذكر ذي مثل العقاقير ينزل..

واَرقي على وضع الألم والمصابي=
من وحي ربي ذي للاجراح يدمل..

واَشبَث على ديني بظفري ونابي=
ذي للمشاكل وان تشابك يحلحل..

والله يغفر زلتي وارتكابي=
قد عبد مستغفر ولاعبد مهمل..

والله يهديني ويهدي صحابي=
خير العمل ذي للموازن يثقل..

والله يجعل في يميني كتابي=
واهلي وصحبي والجماهير والكل..

وازكى صلاه تغشى النبي من رحابي=
خير الرسل للناس مِن خير مرسِل..

ماغردت فوق الغصون الرطابي=
واعداد مارتل حروفه مرتل..